Siet nu al sösundörtig Johr sorg de Snutensnackers ut Loose för nadde Oogen un
Buckweh bi de Lüüd in ehr Dörper. Freudentranen un Wehdag för luder Grienen un Lachen. De Theoterspeelers speelt op platt un hebb as groodes Ziel, annere Minschen mit ehr komodsche Speelwark
Freud to maken. Un dat makt se wohrlich good. Nu al to n tweeten Maal nahnanner kunn sik Torsten un Antonio live bi een Opführung dorvun övertügen. Mit veel Füür un Driff un
Detailverleevtheit wurr weekenlang proobt, haart an de Bühnenopbuu un de Requisieten arbeitet. Un natürlich wurr dor ok no passendet Lich un Höreffekte kiekt.
Bi disse fründlichen Theoterlüüd giff dat noch een wiederes Anlingen, wat för se
een groode Roll speelt un dat is de Help bi soziale Projekte. Op ehr Tour maakt se Werbung un sammelt för ünnerschiedliche Vereene Spennengelder.
Weederholt kunn wi vun dat Team DoppelPASS uns freuen, dat jüm Wahl op uns
fullen is. Kuum to globen, aver 4500 Euro kunn Antonio un Torsten (een vun sien letzte Amtshandlungen) bi uns dütjährige Football Cup entgegennehmen. Wi freut uns bannig, dat wi as Team op
so feine Lüüd ut Loose droben sind. Bi Dreepen mit jüm föhlt wi jümmers jun Hartlichkeit und jun Freud, an dat wat jüm dot. Wi gaht immer beseelt un glücklich na Huus.
Wi dankt jüm veelmols för de Help de ju uns angedeihen laaten heebt un wi
wünscht jüm alles, alles Goode för de neje Theotersaison. Nu al kööt wi unse Nahfolger as Adressat för jüm nächste Spennenaktion hartlich graaleeren. Se ward sik wunnern vun soveel
Hardenslüüd un vun de komodschen Theoterstücke, de uns op alle Fälle in Erinnerung blieven ward. Wi hofft, dat jüm Snutensnackers wiederhin so veel Freud un Energie verbreeden dot un dat wi uns
bald bi unse Cup oder bi een vun jüm Opföhrungen wedderseht.
Jüm Team DoppelPASS
(Foto: Jessie Kronevitz)