Hör to, wi speelt op platt!
De Snutensnackers spennt 4000.-€ an dat Team DoppelPASS.
Een besünnere Deel vun uns Arbeit bi dat Team DoppelPASS besteiht dorin, dat wi immer wedder annere leevenswürdige Lüüd in ganz Schleswig-Hosteen kennenlehren dörben. Menschen de mit Haart un mit Begeisterung an ehr Hobbies, Vereene un de Region hangt. Veele vun disse Lüüd hebbt Torsten un Antonio Anfang vun dit Johr in Loose kennenlehrnt. Dor gifft dat nu siet 35 Johr de Snutensnackers,de Johr för Johr mehrere Opföhrungen vun een plattdütsches Theaterstück an veele Avende in un um Loose herum speelt. Allens natürlich op platt un alltid so richtig stuur för de Lachmuskulatur. Wi hebbt ok een Blick achter de Speeldeel schmeeten un kunn sehn wat allens um de Lüüd de mitspeelten passeren de. Dorto gehört maandelange Proben vun dat Stück,de Bühnenopbuu, de Kostümentwürfe,dat Lich un wichtig de Soundeffekte,Kaartenverkoop, de Maske, dat Catering un noch veeles mehr.
Een beindruckende Trupp disse Snutensnackers.
Mit jede niede Stück wählt de Theaterspeelers ok wedder een annere Vereen ut,de se dör Spennensammlung bi ehr Opführungen finanziell ünnerstütten wöt. Disse Johr full de Wahl op uns. Snutensnackers Urgesteen un „Cheffe“ Wilfried Langusch hett Kontakt to uns opnahm un uns gliek eenlaad to Neejohrsbinannerkomen vun de Jungs un de Deerns ut Loose.Antonio wöhr hartlich bi de Speelers opnahm un nehm ok gliek an een „waansinns Fröhstücksbuffet“ deel.
Eenige Wochen later kunn Antonio genauso wi Torsten de Opführung bewunnern un se hebbt de knapp to glövende Summ vun 4000.-€ entgegennahm.
Leeve Snutensnackers,wi sünd sehr froh ,dat wi ju kennenlehrt hebbt. Dat Hartbloot,ju Engagement för dat wat jüm mög un ju fründliche Aard sind wirklich beindruckend. Wi bedankt uns för jüm Eensatz un jüm Ünnerstützung vun uns Arbeit un wünscht ju wiederhin veel Freud un een tolle niedeTheatersaison.
Veelen ,veelen Dank!
Jüm Team DoppelPASS e. V.